ఈ పుట అచ్చుదిద్దబడ్డది
రేకు: 0355-6 సామంతం సంపుటం: 11-330
పల్లవి: తత్తరపు నీలోని తాపము మానితేఁ జాలు
యిత్తల మీఁదటి పను లెట్టయినాఁ గాని
చ. 1: పక్క నుండఁగానె నన్ను భ్రమసి పేరఁ బిలిచే
వెక్కడ పరా కైతి వేరా నీవు
తక్కక నీవు మోహించేదాని గుఱతు చెప్పరా
యిక్కడికిఁ దోడి తెచ్చే యె గ్గైనాఁ గాని
చ. 2: ఆకు మడి చియ్యఁగానె అవ్వలఁ జేయి చాఁచేవు
యేకడ వున్నది చిత్త మేరా నీవు
ఆకెతో నీకు నే మని ఆతుమ చెప్పవలసె
చేకొని నాతోఁ జెప్పర చెప్పి వచ్చేఁ గాని
చ. 3: నేమాన నేఁ గూడఁగాను నిలువెల్లఁ గరఁగితి
వే మాఁట దలఁచుకొంటి వేరా నీవు
యేమిర శ్రీవెంకటేశ యెవ్వతె జగడించెరా
కామించి యాన తీరా వొక్కటి సేసేఁ గాని