ఈ పుట అచ్చుదిద్దబడ్డది
రేకు: 0355-5 శ్రీరాగం సంపుటం: 11-329
పల్లవి:ఇంక నెన్నఁడె నీ యెమ్మెలు నేఁడు గాక
అంకెల నాతఁడు నీ వాడినట్టె యాడఁగా
చ. 1: చెల్లదా నే కేమి నేఁడు చెలువుని వలపించి
యిల్లు వెళ్లకుండాఁ జేసి యింత సేసితి
పల్లదాన నన్పటిని పంత మాడే వేమి దొడ్డె
కెల్లు రేఁగి ఆతఁడు నీ కింకరుఁ డై యండఁగా
చ. 2: తగదా నీ కే మతనిదండనుండి సవతులఁ
బగలు సాదించ నీవె పనిగొనను
నగ నేలె యాతఁడు నీ నటనకుఁ దగినట్టు
చిగులుతా సారె సారెఁ జెప్పినట్టు సేయఁగా
చ. 3: మేలు గాదా యిందరిలో మించి శ్రీవెంకటేశ్వరు
నాల వై మావంటివారి నాదరించేవు
సోలుచు నీ రాజసాలు చూపేవు నీ కెదు రేది
వేళ గాచి యతఁడు నీ వెంట వెంట రాఁగా