ఈ పుట అచ్చుదిద్దబడ్డది
రేకు: 0355-4 బౌళి సంపుటం: 11-328
పల్లవి: మేరకు మేరే కాక మీర నేఁటికే
నేరుపులు చాలు జాలు నెరవేరెఁ బనులు
చ. 1: వద్దు వద్దేమీఁ దడవకురే మీరు వా
రిద్దరు లోన నుండఁగ నేలే దోసము
కొద్ది మీరి దగ్గరితే కూళ వందురు
తిద్ద నేల పను లెల్లఁ దీరినమీఁదటను
చ. 2: చేకొని మీ రెరుకలు సేసుకొందురా వా
రేకత మయినవేళ యేలె దోసము
కాకు నేయఁ బోతే నన్నే కల్లందురు
లోకమువారే చెప్పేరు లోలోనే వారికి
చ. 3: తెక్కులవాకి లిప్పుడే తెరవకురే వా
రిక్కువఁ గరఁగేవేళ యేలే దోసము
మొక్కి శ్రీవెంకటపతి మొకమోట నన్నుఁ గూడె
నెక్కుడు మా టేల పంత మిచ్చినమీఁదుటనూ
