ఈ పుట అచ్చుదిద్దబడ్డది
రేకు: 0355-2 రామక్రియ సంపుటం: 11-326
పల్లవి: చెప్పరమ్మ మీరు బుద్ది చెలులాల
యిప్పటికోపము మీఁద నిట్టె వుండీనా
చ. 1: చిగురుఁబెదవి వంచి సిగ్గులనె గొణఁగీని
వెగటునఁ బతి దన్ను వేఁడుకోఁగాను
నగుతాఁ బయ్యెదకొంగు నాథుఁడు పట్టఁ బట్టఁగ
జగడించి లోని కేఁగీ సమ్మతించ కదివో
చ. 2: సరుస నవ్వులు దీర సతి యాన లెల్లఁ బెట్టీ
బెరసి విభుఁడు దన్ను బిలువఁగను
పరిమిళము లతఁడు పైపై బూయ బూయఁగ
తెరచీరఁ దుడిచీని తీసి తీసి యదివో
చ. 3: చెమట చెక్కున జార సిరసు వంచుకొనీని
సుముఖుఁడై శ్రీవెంకటేశుఁడు గూడఁగ
అమరఁ గమ్మటి నాతఁ డాయము లంట నంటఁగ
తమితోఁ దిప్పించుకొంటా తాఁ దా నేర్పీ నిదివో
