ఈ పుట అచ్చుదిద్దబడ్డది
రేకు: 0355-1 భైరవి సంపుటం: 11-325
పల్లవి: పంతము చెల్లెను నీకు పదర నేలే
చింత దీర పతిమాట చేకొందు గాక
చ. 1: అలిగినరమణుఁడె అట్టె నిన్నుఁ బేరుకొని
పిలిచినమీఁద నింక బిగు వేఁటికే
తల వంచు కుండఁగాను తగ నీపైఁ జేయి వేసి
కలయఁగ నీలోని కపటము లేఁటికే
చ. 2: చేసన్నల రానివాఁడె చెట్ట వట్టి తియ్యఁగాను
వాసుల వంతులతోడి వాదు లేఁటికే
ఆసల నీ వద్దనుండి అట్టె తానె ఆన వెట్టి
సేస చల్లే పతిమీఁద చిడుముడి యేలే
చ. 3: యింటికి రానట్టివాఁడె యిటు నిన్ను వేఁడుకొని
వెంట వెంట రాఁగానె వేస టేఁటికే
అంటుక శ్రీవెంకటేశుఁ డాతఁడె నిన్ను గూడె
జంటయి వుందురు గాక చల మింకా నేలే
