ఈ పుట అచ్చుదిద్దబడ్డది
రేకు: 0354-6 ముఖారి సంపుటం: 11-324
పల్లవి: ఏమి నేరుచుకొంటివే యెంత కుచ్చితురాలవే
జాము వోయినా మానవు చలమే సాదించేవు
చ. 1: చూడఁ జాల వేమే యే సుదతితో మాటాడిన
యేడా చుట్టాలు లేరా యెవ్వరి కైనా
కూడీఁ గూడక తొల్లె కొడిమెలే కట్టేవు
వాడలో నుండ బాసెఁగా వన్నెమగవానికి
చ. 2: వుడికి పడే విదేమే వూరివారితో నవ్వితే
విడువ కెవ్వరి కైనా వేడుకె లేదా
కడ నున్నవారిమీఁద కానివావులు వేసేవు
తడవి మగవానికి తల యెత్తఁ బాసెఁగా
చ. 3: చిన్నఁబొయ్యే విది యేమే చెలుల నేఁ బిలిచితే
యెన్న కె ముచ్చట లేదా యెవ్వరి కైనా
చెన్నుగా నుర మెక్కితి శ్రీవెంకటేశుఁడ నేను
యిన్నిటాఁ గూడ బాసెఁగా యితరకాంతలను
