ఈ పుట అచ్చుదిద్దబడ్డది
రేకు: 0354-5 శంకరాభరణం సంపుటం: 11-323
పల్లవి: మా కేమి నీ వెంత మట్టు మీరి తిరిగిన
లోకమువారే నవ్వేరు లో వెలుతు లేలరా
చ. 1: ఆనలు నే కేమిటికి నంత నిజమరి వైతే
కేనాన నీవే బదికేవు గాక
వూని యన్నీ విన్నదాన నుండఁజాల కొక టంటే
కోనలఁ దెలుపు మంటా కొంగు వట్టే వేమిరా
చ. 2: తారుకాణ లేఁటికి తప్పు లేనివాఁడ వైతే
పేరడి నాచారములు పెంచేవు గాక
కేరి నీవు రాకుంటే వెంగెములు ని న్నాడితేను
పోరి పోరి పోయినిది పోనియ్య వేమిరా
చ. 3: వట్టిమాఁట లేఁటికి వలచినవాఁడ వైతే
అట్టె అన్నిటను జాణ వయ్యేవు గాక
యిట్టె శ్రీవెంకటేశ యిందుకె నిన్నుఁ గూడితి
దెట్టతెరుపున నన్నుఁ దేలించే మేమిరా