ఈ పుట అచ్చుదిద్దబడ్డది
రేకు: 0354-4 దేసాళం సంపుటం: 11-322
పల్లవి: ఊరి మగనాండ్లకు నుండఁ బాసెను
యీరితి నన్నింత సేసె నే మందు నమ్మా
చ. 1: వొల్ల ననఁగానె వచ్చి వొక టొకటె యాడి
చెల్లఁ బో వీఁడు నా చేయి వట్టీని
పల్లదపు వీనిచేతి బాధకుఁ గాక నేను
యిల్లిదె నే లోనయితి నిఁక నేఁటి దమ్మా
చ. 2: తల వంచు కుండఁగానె దగ్గరి వద్దఁ గూచుండి
చలి వాయ మాట లాడీ జాణతనాలు
చలపాది వీనిచేతి చండకు నోపక నేను
చెలరేఁగి కాఁపురము సేసితి నో యమ్మా
చ. 3: యింటివారికి వెరవఁ డెదుట నవ్వులు నవ్వి
చంటిమీఁద నొరగుచు సట సేసీని
వెంటఁ బాయ కిది వో శ్రీవెంకటేశ్వరుఁడు గూడె
దంట నై వీనిమాయఁ దగిలితి నమ్మా
