ఈ పుట అచ్చుదిద్దబడ్డది
రేకు: 0354-3 బౌళి సంపుటం: 11-321
పల్లవి: తొల్లిటివలెనా నీవు దొర వైతివి
యెల్లవారుఁ జూడఁగా నేనే మందు నిఁకను
చ. 1: యేరా నే వద్ద నుండఁగ యెవ్వతెదిక్కు చూచేవు
మేర మీర దొరకొంటి మెల్ల మెల్లనె
తేరా నా వుంగరము తెలిసితి నీ గుణము
వోరి నీతో జగడించ నోపరా నే నిఁకను
చ. 2: నా యెదురుకట్టులనె నవ్వఁ బొయ్యే వాపెతోడ
యీయెడ నప్పుడె యెంత కెత్తుకొంటివి
చేయి విడువర నీతో చెలిమి నా కయి వచ్చె
చాయలు నే వెంగె మాడఁ జాలరా నిన్నిఁకను
చ. 3: యిట్టె నా యింటనుండి యిల్లురికి మాటాడేవు
తిట్టీ నంటా నాపె నిదె సందుగా
గట్టిగా శ్రీవేంకటేశ కలసితి విదె నన్ను
పట్టినచలము చెల్లె బ్రదుకరా యిఁకనూ