ఈ పుట అచ్చుదిద్దబడ్డది
రేకు: 0354-2 ముఖారి సంపుటం: 11-320
పల్లవి: లోలో నాతనిచేఁత లోక మెఱఁగదు గాని
యేలీల నన్నే దూరే రేమి నేతు నమ్మా
చ. 1: చిఱునవ్వు నవ్వఁగ చేయి వట్టీ నాతఁడు
గుఱిగా నే వద్దంటేఁ గోప మనేరు
అఱిముఱిఁ దానె సాదు అందిరికిఁ జూడఁ జూడ
యెఱుకతో నేనే వెఱ్ఱి నేమి సేతు నమ్మా
చ. 2: వూరకె న న్నాతఁడు వొడివట్టి తీసీని
తారి నే రా నోప నంటేఁ దప్పు సేసేరు
వారక తానె మంచివాఁడు విన్న కన్న వారి
కీ రీతి నే నిష్ణూరి నేమి సేతు నమ్మా
చ. 3: కడ నేఁ గూచుండఁగాను కాగిలించుకొనీఁ దాను
జడిసి నే నుండితే రాజస మనేరు
విడువక నన్నును శ్రీవెంకటేశుఁ డిదె కూడె
యెడసి నే నుండఁ జాల నేమి సేతు నమ్మా
