ఈ పుట అచ్చుదిద్దబడ్డది
రేకు: 0353-6 రామక్రియ సంపుటం: 11-318
పల్లవి: ఈ కోపా లీతాపా లిట్టె వుండీనా
సాకిరి నేఁ దేలిపేఁగా సాదించేదానిని
చ. 1: ఆతఁ డీడకు రాఁగానె ఆన వెట్టుకొందు గాక
కాతరానఁ జెప్పి పంపఁ గారణ మేమే
యీతల నీ రమణుఁడు యెదుట నిలిచితేను
చూతము వో యిట్లనె సొలసెటిదానిని
చ. 2: వోడక నిన్ను రమ్మంటే నొల్ల నందు వింతే కాక
ఆడ నుండఁగానె లేక లంప నేఁటికే
కూడనివారే తమిఁ గూడేరు యిప్పు డెట్టె
తోడనె పంగించేఁ బో తొలఁగెటిదానిని
చ. 3: పెల్లున నీ వొద్దికె పిలిపించు కొందు గాక
యిల్లురికి వచ్చి వాదు లివి యేఁటికే
వొల్లనె శ్రీ వేంకటేశు డొద్దికతో నిన్నుఁ గూడె
పల్లదాన నవ్వేఁ బో పాసియుండేదానిని
