ఈ పుట అచ్చుదిద్దబడ్డది
రేకు: 0353-5 రామక్రియ సంపుటం: 11-317
పల్లవి: మగవాఁడు వలచితే మరి చేతఁ బట్ట రాదు
తగుదునా నే నీకు తమకించే విపుడు
చ. 1: ఆన వెట్టకుర నీ వన్నట్టె వినేఁగాని
మాన వెంత చెప్పినా నీ మంకువోజలూ
కాని మ్మన్నా మొక్కేవు కాఁ గాని దోసాన
నే నెంత నీ వెంత నీకు నేబాఁ తైతిఁగా
చ. 2: చెక్కు నొక్కకుర నీవు చెప్పినట్టే సేసేఁ గాని
యిక్కడ నవ్వేవారి నెఱఁగ వోరి
యిక్కువ లంట వచ్చేవు యెంగి లని చూడవు
చక్కనివాఁడవు నే నీసాటికి రాఁ గలవా
చ. 3: పొగడకురా నేనీ పొందులు విడువఁ గాని
నగవులు మానవు నాతో నీవు
తగు లై శ్రీవెంకటేశ తతి నన్నుఁ గూడితివి
మొగము చూచే వింకా మోహ మింత గలదా