ఈ పుట అచ్చుదిద్దబడ్డది
రేకు: 0353-4 సామంత సంపుటం: 11-316
పల్లవి: పో పో యిదేడ సుద్ది పోయినది వో నీవే
రేపు మాపు నిదే పనే రేసు లేల పెంచేవు
చ. 1: పంతములే ఆడేవు పట్టేవు చలము
యింతులకుఁ బతిమీఁద నింత గద్దటే
కొంత నీచెక్క నొక్కఁగ గోరు దాఁకె నింతే కాక
అంత నీతోఁ బగ పాడే అతఁడు వో చెలియ
చ. 2: పిలిచితేఁ గసరేవు పెనఁగితే విసిగేవు
వలచినయీతనితో వాదు లేఁటికే
బలిమి నిన్నుఁ బట్టఁగ పాపట చెదరెఁ గాక
వలె వలె నని నీతో వాదులకు వచ్చెనా
చ. 3: నిట్టూర్పు నించేవు నివ్వెరగుఁ బొందేవు
యిట్టె శ్రీవెంకటెశు నేఁప నేఁటికే
గుట్టుతోఁ గాఁగిలించఁగఁ గొప్పు వీడె నింతె కాక
తొట్టిన రతులోన దొమ్మి సేయ వచ్చెనా
