ఈ పుట అచ్చుదిద్దబడ్డది
రేకు: 0353-3 తెలుఁగుఁగాంబోది సంపుటం: 11-315
పల్లవి: అందరూ విన్నవి నే నాడేఁ గాని
సందడింపుమేకులకు చాలఁ బో నేనూ
చ. 1: సేయ రానిపను లైనఁ జేసేఁ గాని
వో యయ్య నీ వినయము లొల్లఁ బో నేను
పాయరానిరాజసాన బడేఁగాని
వే యైన నీయానలు వినలేఁ బో నేనూ
చ. 2: నగవు రాకుండినను నవ్వేఁ గాని
వొగరు మోహము చల్ల నోపఁ బో నేను
మొగమోటఁ గొండెత్తిన మోచేఁ గాని
తెగువతో నీ గుణము తిద్దలేఁ బో నేనూ
చ. 3: వొదిగి పానుపుమీఁద నుండేఁ గాని
చెదర నిన్నింత పచ్చి నేయఁ బో నేను
పొదిగి శ్రీవెంకటేశ భోగించితి నీవు
వెదకి నీ వెం దున్న విడువలేఁ బో నేనూ
