ఈ పుట అచ్చుదిద్దబడ్డది
రేకు: 0353-2 రామక్రియ సంపుటం: 11-314
పల్లవి: మేరతో నే నుండఁగాను మీచేతి బాద బెట్టు
వూరకున్నవారి నేల వుడికించేరే
చ. 1: వొట్టి పతికిఁ బాదము లొత్తి వచ్చితి నిందాఁకా
యిట్టె యలిగితి నంటా నేల పోరేరే
వెట్ట దీరఁగ సురటి విసరితి నాతనకి
చిట్టకాన కింకా నేమి సేయు మనేరే
చ. 2: సన్నతో నేనిందాఁక సముకాననే వుంటి
చిన్నఁబోతి నంటా నేల చేయి వట్టెరే
మున్నె యాతనూడిగాన ముక్కు చెమట జారితే
కన్నీరు రాలె నంటా గడియించే రేటికే
చ. 3: ముక్కువ శ్రీవెంకటేశు మాటలు వింటి నిందాఁక
వొక్కటి గమ్మంటా నేల వొడి వట్టేరే
అక్కరతో నాతఁడె ఆదరించి నన్నుఁ గూడె
మొక్కనైతి నంటా నేల మొరఁగు లాడేరే