ఈ పుట అచ్చుదిద్దబడ్డది
రేకు: 0353-1 దేసాక్షి సంపుటం: 11-313
పల్లవి: అప్పటి మానవుబీరాల దేమే నీవు
యిప్పు డేమి దప్పి పోయ నిఁకఁ జూడ రాదా
చ. 1: యేతు నీకుఁ గలిగితే నెందైనాఁ జూపుదు గాక
ఆతని నావద్దఁ దిట్టే వదేమే నీవు
నీ తెరువు వచ్చితిమా నీ కేమి గారణమె
తోతో నా రమణుని దూరుదు గాక
చ. 2: బలువు గలిగితేను బతుకుదు గా కతని
అలమేవు నా యెదుట నదేమే నీవు
తలవే నిన్నుఁ దడవ దగ్గరి నాయకుని
వలసినట్టు సేసితే వద్దనేవా నీవు
చ. 3: వాసి నీకుఁ గలితేను వద్దఁ బెట్టుకుందు గాక
ఆస పడేవు నాపతి కదేమే నీవు
యీసరి శ్రీవెంకటేశుఁ డిందరిఁ గూడినమీఁద
గోస నాస నేయఁ బోతే కోప మేలే నీకు
