ఈ పుట అచ్చుదిద్దబడ్డది
రేకు: 0352-2 నాదరామక్రియ సంపుటం: 11-308
పల్లవి: ఆసలును రేసులను అవి రెండు నేలే
కాసు సేయనిపనికి కాఁతాళ మేలే
చ. 1: అలిగినవాఁడు తా నారడనే వుండుఁ గాక
పిలిచి వాదుకు వచ్చి పెనఁగ నేలే
కలయనివాఁడు తాను కడు వాసి నుండుఁ గాక
వొలిసి దగ్గరి తగవుకుఁ దియ్య నేలే
చ. 2: మాటలాడనివాఁడు తా మారుమో మై వుండుఁ గాక
తేటలుగా సారె మమ్ముఁ దిట్టఁగ నేలే
నీటున నుండెటివాఁడు నిక్కము బిగుసుఁ గాక
చీటికి మాటికి మాపైఁ జెయి చాఁచ నేలే
చ. 3: కాఁకలు సేసెటివాఁడు కన్నులనె చూచుఁ గాక
యేఁకటఁ గాఁగిలించీ నన్నింతలో నేలే
వేఁకపు శ్రీవెంకటాద్రివిభుఁ డిట్టె నన్నుఁ గూడె
మాఁకువలె నన్ను మేను మరపించ నేలే