ఈ పుట అచ్చుదిద్దబడ్డది
రేకు: 0352-1 ముఖారి సంపుటం: 11-307
పల్లవి: ఓసి పోపో నీకు నేమె వుండఁబట్టదా
వాసులు రేసు లెక్కించి వాదుకు వచ్చేవా
చ. 1: నిరతి నామీఁదట నీ కోప మెంత గల్ల
సొరిది యాతనిమీఁదఁ జూపవే పోయి
మరిగినవారితోడ మాటలాడఁ బాసెనా
వరుస నిల్లురి కేల వాదుకు వచ్చేవే
చ. 2: సారె సారె న న్నెంత సాదించఁ గలిగినాను
మేర మీరి నీ వాతనిమీఁద వెళ్లించు
కూరిమి గలుచుచోటఁ గూడినదె నేరమా
వారి వీరి మాట కేల వాదుకు వచ్చేవే
చ. 3: మలసి నామీఁదట మచ్చర మెంత గల్లాను
నెలవుగా నతనిపై నెరపఁగదే
యెలమి శ్రీవెంకటేశుఁ డింతలోనె నన్నుఁ గూడె
వలవనిజోలి నేల వాదుకు వచ్చేవే
