ఈ పుట అచ్చుదిద్దబడ్డది
రేకు: 0351-6 వరాళి సంపుటం: 11-306
పల్లవి: ఎంత వని కెంత వని యిది యేఁటిదే
పంతమె సతుల కిది పాలతోడఁ బోసిరో
చ. 1: నవ్వుతా నే నన్నందున నాలి నెగ్గు సేసుకొని
యివ్వల నట్టె మాటాడే విది యేమె
పువ్వువంటి యాఁట దైతేఁ బొగరు ముంపుఁదనమె
నివ్వటిల్లునో కాక నీకే తెలసునే
చ. 2: తప్పక చూచినందుకే తగఁ గోపము సేసుక
కొప్పు దువ్వినఁ గసరుకొనే వేమే
చిప్పిల జవ్వని యైతె చెంది యాడ లేని వాసు
లెప్పు డెం దుండి వచ్చునో యెరఁగమే నేము
చ. 3: సరస మాడినందుకె చాల నలుక సేసుక
వొరసి చేయి వట్టిన నులికే వేమే
యిర వైన శ్రీవెంటేశుడ నిన్నుఁ గూడితి
గరిమె నిచ్చగించితి కడు మేలె నీవు
