ఈ పుట అచ్చుదిద్దబడ్డది
రేకు: 0351-5 ఆహిరి సంపుటం: 11-305
పల్లవి: ఇందుకా యింత సేసితి విందాఁకాను
అంది పొంది నీవే బదు కాఁటదాన నేనూ
చ. 1: వొలిసీ నొల్లనివాఁడ వూరకే ఆ సియ్యనేల
పొలసి అప్పుడే నన్నుఁ బొమ్మన రాదా
కులికి నేఁ గొసరఁగఁ గోమటిమేనరికమా
నెల వై సుఖాన నుండు నీవే వొక్కఁడవే
చ. 2: మనసు రానివాఁడవు మాతో నవ్వఁగ నేల
అనువు గాదని విడనాడఁగ రాదా
చనవున నిన్ను నాఁగ పరిఁ బత్రసాలామా
యెనయుచు నేకరాజ్య మేలవయ్యా నీవే
చ. 3: మాయలు సేసేవాఁడవు మమ్ము జాలిఁ బెట్టనేల
రాయి డేల మాయింటికి రా నన రాదా
ఆయ మంటి కూడితివి అలమేలుమంగ నేను
పాయపు శ్రీవెంకటేశ బడి నుండు మిఁకను
