ఈ పుట అచ్చుదిద్దబడ్డది
రేకు: 0351-4 సాళంగనాట సంపుటం: 11-304
పల్లవి: మొక్కరో మొక్కరో మీరు మోమునఁ గళలు దేరె
యెక్కువ శ్రీవెంకటేశుఁ డింతులో వాఁడె
చ. 1: తేరుమీఁద నెక్కీ హరి దేవుళ్లు దానును వాఁడె
భోరునను దేవదుందుభలు వాఁగగా
తోరపుమోఁకులు వట్టి దొరలు బ్రహ్మదు లెల్ల
ధీరతఁ దీశే రదే తిరువీధులందును
చ. 2: వేడుక రథముమీఁద వెలసే శ్రీపతివొద్ద
ఆడేరు పాడేరు అచ్చర లెల్ల
నీడెపు సెలవులతో వెలఁదులతో హరి
యీడు లేక యేఁగి వచ్చీ నింటింటి వాకిటను
చ. 3: శ్రీవెంకటేశుఁడు వాఁడె చేరి యలమేలుమంగ
సావధానమున సరసము లాడఁగ
దేవాసనం బెక్కి తేఁకువ నారగింపులు
వావిరిఁ జేకొనో వాఁడె వాడవాడలను
