ఈ పుట అచ్చుదిద్దబడ్డది
రేకు: 0351-3 బౌళి సంపుటం: 11-303
పల్లవి: ఎంతచెప్పినా మాన విదేరా నీవు
కాంత లైన వారి నింత కాకు సేతురా
చ. 1: యిట్టె చన్ను లంటకుర యిస్సీ యిందరుఁ జూడ
వొట్టి నీవద్దికి వచ్చి వున్న నేరమా
తిట్టుదుఁ జుమ్మీ నాతెరువు వచ్చితేఁ గన
గుట్టున నుండుదు గాని కొం తైన నోరి
చ. 2: తొడ మీఁద వేయకుర తోతో యిందరు నవ్వేరు
యెడయక దగ్గరితే నిదే పనా
కడు గోపిఁ జుమ్మీ నేను కలదె విన్నవించితి
బడలించకుర నన్ను పలుమారు నోరి
చ. 3: పచ్చిమాఁట లాడకుర పడఁతు లెల్లా వినేరు
అచ్చ మై నే నీతో మాట లాడినందుకా
యిచ్చగించి శ్రీవెంకటేశ నిన్నుఁ గూడితి
నిచ్చ నలమేలుమంగ నేఁ జుమ్మీ వోరి