ఈ పుట అచ్చుదిద్దబడ్డది
రేకు: 0351-2 పాడి సంపుటం: 11-302
పల్లవి: పిలువరె యింకాను ప్రియము చెప్పేఁ గాని
చల మేల నెరపీనె సారెకుఁ దానూ
చ. 1: తప్పు లెంచఁ బని లేదు తానె నే నైనచోట
కప్పురము గొమ్మనవె కపటా లేల
యిప్పుడు నాప్రియములు యిందాఁకా నియ్యకొనె
అప్పటి నేల వున్నదె ఆడనె తాను
చ. 2: కోపగించఁ బని లేదు కూడితి మిద్దర మీడ
చూపులఁ జూడు మనవె సూడుఁబా డేల
యీ పొద్దుదాఁకా మాట లియ్యకొన్నట్టె వుండె
యేపునఁ దెరలోని కే లేఁగీనె తాను
చ. 3: ఆన వెట్టఁబని లేదు ఆయా లిద్దరికి సోఁకె
పూని కూచుండు మనవె బూటకా లేలా
నేనె శ్రీవెంకటపతిఁ దానె యలమేలుమంగ
మానక కూడితి మిఁక మంచ మెక్క నేఁటికే