ఈ పుట అచ్చుదిద్దబడ్డది
రేకు: 0351-1 గౌళ సంపుటం: 11-301
పల్లవి: అటమీఁద నయినట్లయ్యీఁ గాని
సట లింతే తాముఁ దామే సంతము లయ్యేరు
చ. 1: పలికినంతే చాలు పచ్చి సేయకురే యింతి
నలుక దేరినమీఁద నడిగేఁ గాని
చెలవుఁ డీసుద్ది వింటే చేర వచ్చునో రాడో
కలయిక కిద్దరినిఁ గదియింత మిపుడు
చ. 2: నవ్వినపాటే చాలు నానఁ బెట్టకురే మీరు
నెవ్వగ దీరితే బుద్ది నేనే చెప్పేను
అవ్వల నీపా టైతే నాతనిఁ దేరుచ రాదు
దవ్వుల నిద్దరి సమతారుకాణ నేతము
చ. 3: తానెచూచినంతే చాలు తరువుల వెట్టకురే
మేనులు సోఁకినమీద మించీఁ గాని
ఆనుక శ్రీవెంకటేశుఁ డలమేలుమంగఁ గూడె
పానిపట్టి యింతలోనే పంగింత మిపుడు