ఈ పుట అచ్చుదిద్దబడ్డది
రేకు: 0350-6 వరాళి సంపుటం: 11-300
పల్లవి: మంచివాఁడ వౌదవయ్య్వ మానిన అటుండఁగాను
మంచ మెక్కి చెలులతో మాఁట లేటి వయ్యా
చ. 1: కామిని నీవు రాఁగానె గక్కన లేచి నిలిచి
దోమతెరమాటు కేఁగి తొంగి చూచీని
కోమల మయినసతిఁ గూచుండు మనమయ్య
జా మాయ నప్పటినుండి చాలు నీ సరసము
చ. 2: తప్పక నీవు చూడఁగ తరుణి సిగ్గున నవ్వి
వొప్పుగాఁ దల వంచుక వూర కున్నది
ముప్పిరి నీచేత నాకెమో మెత్తి మాటాడవయ్య
యిప్పుడు డింతవడి యాయ నేఁటికీ సరసము
చ. 3: కొంగువట్టి తియ్యఁగాను కోమలి మేను మరచి
వుంగిటి నీ మేనిమీఁద నొర గున్నది
అంగవించి శ్రీవెంకటాదిప కూడితి విట్టె
చెంగట నలమేల్ మంగచేతి దీ సరసమూ