ఈ పుట అచ్చుదిద్దబడ్డది
రేకు: 0350-5 మంగళకౌశిక సంపుటం: 11-299
పల్లవి: నావలెనే నీవ నంటా నమ్మితి నేను
దేవర వవుత యింత తెలియరా నేను
చ. 1: మంతనాన నాడినట్టి మాఁట లాకెతోఁ జెప్పి
పంతానకే నవ్వేవు పలుమారును
చింత మది దరికొని శిరసున వెళ్లఁ జొచ్చె
యింతే శవుతఁ దొల్లి యెరఁగరా నేను
చ. 2: నే నిచ్చినపదకము నీ వాకె మెడఁ బెట్టి
పూని యెమ్మెలు చేసేవు పూటఁ పూఁటకు
కానీ లేరా అందు కేమి కాయ మెల్లా నుడికీని
యీ నీ గుణము నాఁడె యెంచ నైతి నేనూ
చ. 3: పీఁటమీఁద నిన్నుఁ దెచ్చి పెట్టుకొంటే నీ వాపెను
పాటించి వద్ద బెట్టుక పాయఁగ లేవు
మాటాడి నే నలమేలుమంగ నంటాఁ గూడితివి
నీటున శ్రీవెంకటేశ నేరరా నేను
