ఈ పుట అచ్చుదిద్దబడ్డది
రేకు: 0350-4 లలిత సంపుటం: 11-298
పల్లవి: తాలిమి చక్కన గాని తనుక మెం తైనాఁ గద్దు
మేల మాడ వయ్య చెలి మీఁద మీఁద నున్నది
చ. 1: వనితి పువ్వులవేసి వలపు నీపైఁ బూసి
తనుఁ దానె సిగ్గుపడి తల వంచీని
మనసు నీపై బెట్టి మాఁటలు మాతో నాడీ
పెనఁగి పిలువవయ్య పేరుకొని నీవు
చ. 2: పడఁతి నీతో నవ్వి పాయపుటాసలు దవ్వి
చిడుముడి సిగ్గుతోడఁ జెమరించీని
కడు నిన్నట్టె చూచి కాయము మాపై వేసీ
వొడి వట్టి తియ్యవయ్య వొద్దికతో నీవు
చ. 3: కలికి నీకాలు దొక్కి కమ్మటి నీకు మొక్కి
వలవనిసిగ్గుతోడ వడఁ బడీని
నెల వై శ్రీవెంకటేశ నిన్నుఁ గూడె తన్నుఁ దానె
అలమి పైకొన వయ్య అప్పటివి నీవు
