ఈ పుట అచ్చుదిద్దబడ్డది
రేకు: 0350-3 శంకరాభరణం సంపుటం: 11-297
పల్లవి: కడవారు నవ్వేది కానవు గాక
గొడవల మమ్ముఁ జూచి గుద్దిరము లేఁటికే
చ. 1: నిండుఁ బరితాపమున నీ వేల సొలసేవు
అండనె నాతో నవ్వే వాతనిఁ జూచి
చండి పెట్టి మగవాని సాదించి వలవు మంటా
బండు సేసే యాఁటదాని బదు కేఁటి బదుకే
చ. 2: నిక్కి చూచే యాతిని నీ వేల కోపగించేవే
మక్కువ నతఁడు నాతో మాఁట లాడఁగా
వొక్కతెపై తరితీ ఫై వుండెటివిభునిఁ జూచి
గుక్కిళ్లు మింగేదానిగుణ మేఁటి గుణమే
చ. 3: బలిమి శ్రీవెంకటేశుఁ బగ లేల చాటేవే
కలసి యాతఁడు నన్నుఁ గాగిలించఁగా
పిలువని పేరటము ప్రియునివద్దకి వచ్చి
చలముకొనేటిదాని చల మేఁటి చలమే