ఈ పుట అచ్చుదిద్దబడ్డది
రేకు: 0350-1 నాదరామక్రియ సంపుటం: 11-295
పల్లవి: ఇంతలోనివాఁడవా యేరా నీవు
చెంతల నీకె యివి చెల్లురా నేఁడు
చ. 1: దగ్గరి రా వని నిన్నుఁ దమకానఁ దిట్టితేను
యెగ్గులు సిగ్గులు నెంచే వేరా నీవు
అగ్గల మై నీతోడి అంకెకత్తెనా నేను
దగ్గరినంతాఁ గలిగె తగురా నాకు
చ. 2: తప్పక చూడ వనుచు తామరఁ గొని వేసితే
యిప్పు డింతలో నలిగే వేరా నీవు
కప్పి నీకు నే నింత కంటకపుదాననా
చెప్పినంతాఁ గలిగెను చెలు లెల్ల నాకు
చ. 3: పరవశ మైతి వని పక్కన గోర నూఁదితే
యెరవుగాఁ జూచేవు యేరా నీవు
సరవి శ్రీవెంకటేశ చన విచ్చి కూడితివి
సరవు లన్నియు గలిగె చాలురా చలము
