ఈ పుట అచ్చుదిద్దబడ్డది
రేకు: 0349-5 ముఖారి సంపుటం: 11-293
పల్లవి: ఎంత వడి కెంత వడి యేమి దలఁచుకొంటివో
యింత వొలిసీ నొల్లము లెరఁగ దాచెలియా
చ. 1: అప్పుడె మావిన్నపము లవధరించినవాఁడ
విప్పు డేల అడిగేవు యిం కొక్కమాఁటు
వుప్పరిగలోన నుండి వువిద నిన్ను రమ్మని
చెప్పి రమ్మన్నది యింతే చిక్కిన వెరఁగము
చ. 2: కచ్చుపెట్టి యల్లప్పుడె కాను కందితివి మాచే
వచ్చినప నడిగేవు వడి నిప్పుడు
విచ్చేయు మనుచు నింతి వెస గొంగువట్టు మని
యిచ్చె మాకు సెల వింతే యి దేమి నెరగఁదు
చ. 3: ముందె నేము రాఁగాను ముంచి నవ్వినవాఁడవు
యిందుముఖిసుద్దు లిప్పుడే లడిగేవు
కందువ శ్రీవెంకటేశ కలసె నాపె విచ్చేసి
విందు నీకుఁ జెప్పు మనె వేరు సేయ నేరదు