ఈ పుట అచ్చుదిద్దబడ్డది
రేకు: 0349-3 మధ్యమావతి సంపుటం: 11-291
పల్లవి: పొదిగి మమ్ము రేఁచక పో పో నీవు
పొదరు లాడక నీవు పో పో నీవు
చ. 1: గద్దరి నీ మాఁటలకు కడ మొదలే లేదు
పొద్దు వోయ నలసితి పో పో నీవు
అద్దలించి నన్నే నీవు ఆన వెట్ట వచ్చేవు
బుద్దు లంత నేరవు పోపో నీవు
చ. 2: కడ నున్న యాఁడువారి కాలు దొక్క వచ్చేవు
పొడవులు చూపక పో పో నీవు
విడు విడు నీ సుద్ది వింతలా మా కేమి నీవు
పుడకక మమ్మంత పో పో నీవు
చ. 3: కెరలించ కంత మమ్ము కేరి నీగుట్టే చాలు
పొరుగువారు నవ్వేరు పో పో నీవు
గరిమ శ్రీవెంకటాద్రి కడపరాయఁడ నన్ను
పురిగొనఁ గూడితివి పో పో నీవు
