ఈ పుట అచ్చుదిద్దబడ్డది
రేకు: 0349-2 దేసాళం సంపుటం: 11-290
పల్లవి: సాకిరి మీరే సుండి సతులాలా
యీకడ నన్నే నేరా లెంచ రాకు రమ్మా
చ. 1: వుడివోని తమకాన వొక టొక టాడ వచ్చీ
తడవము తాఁకము తా నేమే వీఁడు
నడుమ నే నే మన్న నానోరె గనమే
వుడుకు నూరుపుతోడ నూరకుండే నమ్మా
చ. 2: చిత్తిణిగుణముతోడ చేతులు చాఁచఁగ వచ్చీ
బత్తి గలవానివలె పై పై వీఁడు
అత్తినేఁ గోపగించితే నందరు నన్నే దూరేరు
కొత్త నివ్వెరగుతోడఁ గూచుండే నమ్మా
చ. 3: యెవ్వరి ముందర నైన యెమ్మెకే నవ్వఁగ వచ్చీ
పవ్వళించాఁ బోనీఁడు పదరి వీఁడు
యివ్వలఁ గడపరాయఁ డిదె శ్రీవెంకటగిరి
నివ్వటిల్ల నన్నుఁ గూడె నెయ్య మైతి నమ్మా
