ఈ పుట అచ్చుదిద్దబడ్డది
రేకు: 0349-1 బలహంస సంపుటం: 11-289
పల్లవి: కానీ కానీ యిఁక నేల కడమ దీరుతు గాక
ఆన సుమ్మీ నీవు వచ్చి అట్టటు వోతేను
చ. 1: అస యిచ్చుకొని వద్ద నాతఁడు నిలుచుండఁగ
వేసిన ట్టెల్లా నీకు జెల్లదా నేఁడు
వోసరించి ముడివెట్టి వూరా కాతఁడు నవ్వఁగ
యీసునఁ జేతులు చాఁచ యిఁక నెప్పుడే
చ. 2: మంతనాన నేమో చెప్పి మౌనాన నాతఁ డుండఁగ
యెంతైనా వాదకు రాక యేల మానేవే
యింత నిన్నుఁ జేసినట్టి యీతని దూరుతు గాక
వింతగా నిన్నే మన వెఱ్ఱినా నేను
చ. 3: వొకరి ననఁ జాలక వొప్పగిం చాతఁ డుండఁగ
అకట నీ రప మాయ నట్టె కానీవే
వెకలి యై యిత్తరి శ్రీవెంకటేశుఁడు గూడఁగ
మొకమోట నుంటిఁ గాక మోసపొయ్యేనా