ఈ పుట అచ్చుదిద్దబడ్డది
రేకు: 0348-6 కన్నడగౌళ సంపుటం: 11-288
పల్లవి: చెప్పుడుబుద్దు లెందాఁక చిత్తములో నిలిచీనె
యిప్పడె నాకుఁగాఁ బ్రియ మేల చెప్పేరే
చ. 1: తగులమి లేకుండతే తలఁపులో తమి లేదు
నగవులు లేకుండితె ననుపూ లేదు
తెగినపనులకును తిరిగి చూచుట రోఁత
యెగసక్కెనకు వాని నేల పిలిచేరె
చ. 2: చూపు నాఁట కుండితేను చుట్టరికమే లేదు
పై పైఁ బదర కుండితే బత్తే లేదు
తీపుల చాలనిమాఁట తిరుగ నాడుక రోఁత
యేపున వానితో మీరు యేల పోరెరే
చ. 3: జంటలు వాసి వుంటె సమ్మతించుటే లేదు
వెంట వెంట రాకుండితో వేడుకే లేదు
నంటుతోడ నన్నుఁ గూడె నమ్మ నిదె రోఁత యింక
యింటిలో శ్రీవెంకటేశు నేల కొసరేరే