ఈ పుట అచ్చుదిద్దబడ్డది
రేకు: 0348-5 వరాళి సంపుటం: 11-287
పల్లవి: అప్పటి నిచ్చక మాడే వట్టె నాకు
తప్పని బొంకని మంచి తగవరి వౌదువు
చ. 1: చాపలాన మాయిద్దరి జగడాలు దిద్దవచ్చి
ఆపెమాఁటె వంక లొత్తే వప్పటినీవు
తీపు నీ కామాఁట లైతే తిట్టించుకొందు గాని
పోపో నే నందు కోప పోటిదొర వౌదువు
చ. 2: యెదుట మాకల్లా నిజ మేరుపరచఁగ వచ్చి
అదె పతివాది వయ్యే నప్పటినీవు
బెదరితే నీ వాకెకె ప్రియము చెప్పుదు గాని
కదిసి నన్నుఁ బట్టకు కడు జాణ వౌదువు
చ. 3: వెడ్డు వెట్టి మమ్ము నేఁడు వేఁడుకొన నిటు వచ్చి
అడ్డము లాపెకు వచ్చే వప్పటినీవు
వొడ్డినకోపము దీర వొక రొకరిఁ గూడితి
వెడ్డవు గావు శ్రీ వెంకటేశ్వరుఁడ వౌదువు
