ఈ పుట అచ్చుదిద్దబడ్డది
రేకు: 0348-4 సాళంగం సంపుటం: 11-286
పల్లవి: ఇల్లాలి కిది వోజా యిచ్చకమే వలెఁ గాక
వొల్లనె ఆతఁడు దానే వొద్దకయ్యీఁ గాక
చ. 1: వొత్తుకోలుమోహములు వొగి నెందాఁకా వచ్చీ
హత్తి మనసునఁ గలయంతే కాక
తత్తరించి వాని నిఁకఁ దడవకురే మీరు
కొత్తగా దయ వుట్టితేఁ గోరి వచ్చీఁ గాక
చ. 2: పూసుక వాసుక వచ్చెపొదు లెందాఁకా వచ్చీ
ఆసతోడ నంత నైతే నమరుఁ గాక
వేసరించ నిఁక నేలె వేఁగుదాఁకా నాతని
బాసతో నమ్మి వుండఁగఁ బాలించీఁ గాక
చ. 3: బలిమిఁ బట్టెకాఁగిలి బడిబడి నేల వచ్చీ
అలరుఁ గరిమి సరి యైతేఁ గాక
యెలమి శ్రీవెంకటేశుఁడిప్పు డిట్టె నన్నుఁ గూడె
యిలఁ దనసొ మ్మైతి నిట్టె యేలిఁ గాక
