ఈ పుట అచ్చుదిద్దబడ్డది
రేకు: 0348-3 బౌళి సంపుటం: 11-285
పల్లవి: ఎప్పటి కప్పుడె కాక యింత గలదా
వుప్పొలికి యినుమ డౌ నొక్కరీతి వచ్చునా
చ. 1: అద్దో రమ్మనుచు నీవానలు వెట్టకువే
చద్దివల పేడ నైన సంగర మౌనో
తిద్దుబడి నీ కిచ్చినదె మాఁటపట్టు దొల్లి
వుద్దండాన తప్పుఁదారు వూహించిన ట్టుండునా
చ. 2: అండ నుండు మని నన్ను నంత వాలాయించకువే
అండుకొని మరుఁ డేడ నాయ మేసునో
మెండుగా నీకు నిట్టె మీఁ దెత్తినవయసు
బండు సేసి యెవ్వతింటి పంచపాలు సేసునో
చ. 3: కూచుండు మనుచు నన్నుఁ గొంగు వట్టి తియ్యకువే
చూచి చూచి యెవ్వ తైన సూడు వట్టునో
యేచి శ్రీవెంకటేశుఁడ యిట్టె నిన్ను నేఁ గూడితి
యిచాయతమకయిన యిఁక నెంత సేసునో
