ఈ పుట అచ్చుదిద్దబడ్డది
రేకు: 0348-2 రామక్రియ సంపుటం: 11-284
పల్లవి: ఏ మంచిదాన నై నీయెదుట నుండే నేను
వేమారు నూదితేఁ జల్ల వేఁడియై తోఁచురా
చ. 1: నేనే మనిన నీకు నెరుసు లై తోఁచీని
మౌనాన నుండేఁ గాని మాఁట లాడించకురా
వూని నే దొలుతె నాకు వొల్లనివాన నింతే
తేనెలు వోయఁ బోయినా తెగి చేఁదే తోచురా
చ. 2: కడునే దగ్గరి యుంటె కావ లై తోఁచీని
యెడసి వుండేఁ గాని యిట్టె పిలువకురా
గొడవ వెట్టుక నేను గుండెబెద రైనదాన
నడుమను గోర గీరినా నే రై పారురా
చ. 3: పైకొని కాఁగిలించి బలుము లై తోఁచీని
యేకతాన నుండేఁ గాని యిక్కువ రేఁచకురా
యీకడ శ్రీవెంకటేశ యెనసితిఁ గాని నిన్నె
నీకు నే నిజ మాడితె నిష్టూరమై తోఁచురా
