ఈ పుట అచ్చుదిద్దబడ్డది
రేకు: 0348-1 దేసాళం సంపుటం: 11-283
పల్లవి: అయ్యో ఆఁడుఁదనము అంగడి వేయఁ దగున
యియ్యడ నేఁ బ్రియమైతే యింత పచ్చి గలదా
చ. 1: సిగ్గువడి నే నుండఁగఁ జేపట్టి తీసీఁ బై పై
యెగ్గెరఁగఁ డించుకంత యేమి సేతునే
దగ్గరనె వున్నవారు తరుణు లందరు నదే
బగ్గనఁ దాఁబైకొంటే పకపక నగరా
చ. 2: యిదివో వంచనతోడ యేమీ ననకుండఁగాను
యెదురు మాఁటాడు మనీ నేమి సేతునే
అదన నెదుటనె అత్తమామ లున్నవారు
వదరు లిం తే లంటా వారైనఁ దిట్టరా
చ. 3: ముప్పరి మంచముమీఁద మొగి నేఁ డుండఁ గాను
యిప్పుడె తా నిలుచున్నాఁ డేమి సేతునే
అప్పఁ డిదె శ్రీవెంటాద్రిపతి నన్నుఁ గూడె
దప్పి వోఁ బొరుగువారు తన్నునే పొగడరా