ఈ పుట అచ్చుదిద్దబడ్డది
రేకు: 0347-6 పాడి సంపుటం: 11-282
పల్లవి: ఏఁట తలఁ పేఁటి పొందు యీస్సీ రోఁతరా
ఆఁటదాని బతు కెల్ల ఆగడమె ఆయఁగా
చ. 1: చిత్తము రావలె నంటాఁ జెప్పిన ట్టెల్లఁ జేసితి
హత్తి యేమిటాఁ గరఁగ వయ్యో యేలరా
పొత్తుకు రానైతి నంటా వూఁచి కోపించుకొంటివి
యిత్తల నీ నా పొందులు యింతలోని వాయఁగా
చ. 2: చనవరి నయ్యే నంటా సర వెల్ల నడపితి
మనసులో తమకాలు మాన వేలరా
మునుపె నే నవ్వ నంటా మోము ముడుచుకొంటివి
వెనకటి నామే లెల్ల వేరే వేరే ఆయరా
చ. 3: కందువ నెరవు లెక కాఁపుర మెల్ల జేసితి
యిందులోన మెచ్చఁ జాల వింకా నేలరా
విందువలె నేఁటిదో శ్రీవెంకటేశ కూడితివి
చెందిన నా ఆయము నీ చేతికి లో నాయఁగా
