ఈ పుట అచ్చుదిద్దబడ్డది
రేకు: 0347-4 మాళవి శ్రీ సంపుటం: 11-280
పల్లవి: కానీ కానీ మీఁదటెత్తు కంటిమి లేరా
యినెపమె నేనుఁ జేసే నెందు వొయ్యే విఁకను
చ. 1: సతి నిన్నుఁ గొంగు వట్టె సబలోన నండగాను
రతికిఁ దీసుక పోయ రా ననఁగానె
యితరకాంతల కెల్ల నిదె చా లాయ నిఁక
యితవై నీగుట్టు గంటి మెందు వొయ్యేవిఁకను
చ. 2: మానివి నీ నోరిలోన ముక్కవఁ దమ్ముల మిడె
పానుపుపైఁ బడఁ దోసి పట్టుకోఁగానె
ఆనుక కడమవారి కప్ప ణిచ్చిన ట్లాయ
యీనటన మాకుఁ జిక్కె నెందు వొయ్యే మిఁకమ
చ. 3: కలికి బూతులఁ దిట్టి కాఁగిలించి యంటఁ బట్టి
తలుపు మూసుక వుండెఁ దడవుగాను
లలి శ్రీవెంకటేశుఁడ లంచ మిచ్చి నన్నుఁ గూడే
విల నా కలవాటాయ నెందు వొయ్యే విఁకను