ఈ పుట అచ్చుదిద్దబడ్డది
రేకు: 0347-3 దేశి సంపుటం: 11-279
పల్లవి: ఇటమీఁది పనులకు యిట్టె వేగిరింతునా
కటకటా నే నంత కక్కూరితి సేతునా
చ. 1: యెగ్గు లెంచేదాననా యే మేమి నీవు సేసినా
వొగ్గి నీకు నావయసు వొప్పింతుఁ గాక
దగ్గరి నీ కెవ్వతో తప్పఁ జెప్పె నింతే కాక
వెగ్గళపు టలుకకు వేళ మీఁద లేదా
చ. 2: వెంగె మాడేదాననా వే రొకతెతో నవ్వితే
అంగము నీ కెక్కెనది యందుఁ గాక
మంగిట నీ కెవ్వతో ముడివెట్టె నింతే కాక
కంగి నిన్నుఁ దిట్టే నంటె కా దనేరా వొరులు
చ. 3: చలపట్టేదాననా సారె నీవు వేఁడుకొంటే
తెలిసి నీతోఁ దెప్పలఁ దేలుదుఁ గాక
బలిమి శ్రీవెంకటేశ పట్టి నన్నుఁ గూడితివి
చెలులు నాతోడివారా చేతి కిచ్చే వాపెను