ఈ పుట అచ్చుదిద్దబడ్డది
రేకు: 0347-1 సాళంగం సంపుటం: 11-277
పల్లవి: సమతారుకాణ లైతె చల మెంత యెక్కునో
అమర దింతక తొల్లె యలిగి యెరగును
చ. 1: కోపగించే మాఁటలకు గురి గాఁగ బని లెదు
రాపుగా నావద్ది కింక రాకు మనరే
యేపునఁ జెలులు చేప్పేయెడమాఁటలే చాలు
తీపుల నెన్నఁడుఁ దన్నుఁ దెగనా డెరఁగను
చ. 2: దారి తప్పి నందుమీఁద దగ్గరి రాఁ బని లేదు
సారెకు నన్నుఁ బిలిపించకు మనరే
యీరస మణగుఁదాక యేకతములే మేలు
బీరమునఁ దనతో నేఁ బెనఁగి యెరఁగను
చ. 3: బలిమి లో నైన మీఁద బంత మాడఁ బని లేదు
వొలిసి కాఁగిట నిట్టె వుండు మనరే
యెలమి శ్రీవెంకటేశుఁ డింత సేసి నన్నుఁ గూడె
మలసి తన కెదురు మాఁటా డెరఁగను
