ఈ పుట అచ్చుదిద్దబడ్డది
రేకు: 0346-6 ముఖారి సంపుటం: 11-276
పల్లవి: ఇంకాఁ బెనఁగ నేల యింత చాలదా
వుంకువగా నింతపని కోరిచినదాననా
చ. 1: వొద్దికి నే రాఁగానె వొక్కరితో మాఁటలాడే
వద్దో నాకు సిగ్గియ్యీ సంపరా నన్ను
పెద్దరికేలకె నేఁ బెనఁగెటిదాన నింతే
సుద్దు లెల్లాఁ గంటి నంత చులుకనిదాననా
చ. 2: దగ్గరి నే నుండఁగానె తలవంచు కుండితివి
అగ్గల మయ్యీఁ గోప మంపరా నన్ను
సిగ్గుతోడి బతు కొక్క చీమం తయినఁ జాలు
యెగ్గు లెంచ మీద టెత్తు యెరఁగనిదాననా
చ. 3: కాఁగిలించుకుండఁగానె కన్నులు మూసేవు నీవు
ఆఁగితిఁగా నిన్నిందాఁకా నంపరా నన్ను
చేఁగ దేఁర గూడితివి శ్రీవెంకటేశ నన్ను
రాఁగిన నీపొందు లెల్ల రచ్చ వేసేదానానా
