ఈ పుట అచ్చుదిద్దబడ్డది
రేకు: 0346-5 రామక్రియ సంపుటం: 11-275
పల్లవి: నే నున్న దెస యెంత నేఁడు దనవేడు కెంత
పానిపట్టి యితంలో నే బాఁ తైతినా
చ. 1: అలిగి నే నవ్వలి మోమై వూరకుండేదాని
నలరి పాదము లొత్తు మనీనె తాను
తలఁకి సిగ్గు వడఁడు తనకు నా కంత పొందా
మలసి తనచేఁతలు మరచెనా తాను
చ. 2: చింతతోడ చెక్కు చేత సిగ్గువడి వున్నదాని
యింతలో నాకు మడిచి యిమ్మనీఁ దాను
మంతనా లాడఁగ వచ్చీ మంచి చుట్టమె నాకు
వింత దన కానోటనె వెళ్లెనా ప్రియము
చ. 3: పట్టెమంచముపై నొంటిఁ బవ్వళించి వున్నదాని
అట్టె తా వచ్చితిని లెమ్మనీనె తాను
దిట్టయై శ్రీవెంకటాద్రిదేవుఁడు నన్నిటు గూడె
గుట్టునను గతి గూడుకొనెఁ గదె యిపుడు
