ఈ పుట అచ్చుదిద్దబడ్డది
రేకు: 0346-3 శంకరాభరణం సంపుటం: 11-273
పల్లవి: ఏల వేగిరించేవు యింట్టిపని గద్దు నాకు
గోల వై వెలుపుల అరఁగుపై నుండవయ్యా
చ. 1: మందలోన నున్ననేము మాపటంతఁ గాని రాము
దిందుపడఁ గొంగువట్టి తియ్యకువయ్య
పొంది ఆవులు దూడలు బొలానఁ గలసుఁ జేసు
అందాఁకా నీవు మాయింటియాడ నుండవయ్యా
చ. 2: చల్ల దచ్చి తచ్చి నేఁడు సందు లెల్ల నాకు నొచ్చు
వొల్లనె విడె మిమ్మనే వోపనయ్య
గొల్లఁడు దెచ్చినపాలకుండ లందుకొనవలె
యిల్లు చొచ్చి అట్టుగపై నెక్కు కుండవయ్య
చ. 3: వెన్న గాఁచేవేళను విను మనఁ జాలను
చన్ను లేల పిసికేవు సారెకు నయ్య
యెన్నికతో శ్రీవెంకటేశ నన్నుఁ గూడితివి
పన్నిన మామంచముపై బవ్వళించవయ్యా