ఈ పుట అచ్చుదిద్దబడ్డది
రేకు: 0346-2 శంకరాభరణం సంపుటం: 11-272
పల్లవి: ఏల చెనకేవు నన్ను నిప్పుడె నీవు
తాలిమితోఁ బదరెటిదానఁ గాను నేనూ
చ. 1: వూర కిట్టె నా మీఁద నొళ్లు వేసితివి నేఁడు
కారణ మేఁటిదో కాని కంద మిఁకను
సారెఁ జట్టి పట్టితివి జారనపయ్యదకొంగు
తేరకొన నిది యేమో తెలిసేరా నేను
చ. 2: మన సిచ్చి నాతోడ మాఁటలాడే విదె నేఁడు
కొన మొద లేదో చూచుకొంద మిఁకను
చన విచ్చి మంచముపై సంగడిఁ గూచుంటి విదె
పని నిన్ను నడిగేరా పలుమారు నేను
చ. 3: గక్కనఁ గాఁగిలిచుక కందువ లంటేవు నేఁడు
యెక్కువగా నవ్వేరా యిందుకే నేను
నిక్కము శ్రీవెంకటేశ నీవు నన్నుఁ గూడితివి
మిక్కిలి నిజాడలకు మెచ్చేరా నేను