ఈ పుట అచ్చుదిద్దబడ్డది
రేకు: 0345-6 నాదరామక్రియ సంపుటం: 11-270
పల్లవి: చిమ్ముచుఁ దియ్యనినోరఁ జేఁ దేల
నెమ్మది నాకె వుండఁగ నే మేలా
చ. 1: మన సిచ్చి నీతోడ మాఁట లాడేవారితోనె
అనవయ్య పోయి నీ వామాఁట
వెనకటిమాఁటలకె వేదనఁ బొరలేమమ్ము
చెనకి మరిఁ గొంత చింత రేఁచ వలెనా
చ. 2: మొగము చూచి నీకు మొక్కెటివారితోనె
నగవయ్య పోయి నీవు నయమునా
జగడించి పైఁ జేయి చాఁచి మూల నున్ననన్ను
తగిలి తగిలి యింకఁ దతి గొన వలెనా
చ. 3: పలుమారు సిగ్గుదేరి పారితెంచేవారినె
పిలవవయ్య పోయి ప్రియమునా
అలిగిననన్ను నిట్టె ఆదరించి కూడితివి
యెలమి శ్రీవెంకటేశ యిఁకఁ గొంత వలెనా