ఈ పుట అచ్చుదిద్దబడ్డది
రేకు: 0345-5 సాళంగం సంపుటం: 11-269
పల్లవి: మేలు మేలు యిందుకె నే మెచ్చితె వీని
కే లెత్తెనె మొక్కితేను కినిసీనె తాను
చ. 1: చిన్నఁబోయి వుండఁగాను సెలవి నే నవ్వితేను
మిన్నక నన్నుఁ గోపీంచీ మేలే వీఁడు
యెన్నిక నెవ్వతెచేత నేమి మాఁట బఁడి వచ్చో
కన్న వారిమీఁద నెల్ల కసరీనె తాను
చ. 2: తలవంచు కుండఁగాను దగ్గరి మాఁటాడించితే
మెలుపునఁ దిట్ట వచ్చీ మేలె వీఁడు
వలచి తా న్కెడనో వాదు వెట్టుకొని వచ్చి
పొలసి వొద్దివారితోఁ బోరీనె తాను
చ. 3: గక్కన నొంటి నుండఁగఁ గాఁగిలించుకొంటేను
మిక్కిలి తాఁ బెనఁగీని మేలే వీఁడు
యెక్కడనో శ్రీవెంకటేశుఁ డలిగి వచ్చి
దక్కిన రతులకె తమకించీఁ దాను
