ఈ పుట అచ్చుదిద్దబడ్డది
రేకు: 0345-3 మాళవిక సంపుటం: 11-267
పల్లవి: ఎంతైన నీగుణము యేల మానును
చింతతో నీకుఁ బ్రియము చెప్పదుము గాక
చ. 1: కడు నెరదు చూచి మాకన్నులె ఘనము గాక
వడి మాయింటికి నేఁడు వచ్చెవా నీవు
వుడివోనితమకాన వుండజాల కొకమాఁట
అడియాసలనె నిన్ను నాడుదుము గాక
చ. 2: నవ్వి నవ్వి యిదె మానడుమె సన్నము గాక
అవ్వలఁ గొంతైన లోనయ్యేవా నీవు
జవ్వనభారముచేత జడిసి నీభ్రమఁ బడి
పువ్వుల పానుపుమీఁద బొరలదుఁ గాక
చ. 3: సారె నిన్నుఁ గాఁగిలించి చన్నులె గట్టాయఁ గాక
చేరువ నామేలు దలఁచేవా నీవు
కూరిమి శ్రీవెంకటేశ కూడి నేను తమకించి
యీరీతిని నీ వురమె యెక్కు కొంటిఁ గాక
